聽個Uncle講，做人可以賤嘴，但千祈唔可以多嘴。賤嘴嘅人冇錯講嘢係好腰心腰肺，有時總要賤賤格格同埋鹹鹹濕濕，不過佢哋多數會對住啲熟人或者玩得嘅人先至會咁做，而且有時咁做仲可以搞好啲氣氛。至於多嘴嘅人，唔理人講緊啲乜嘢，係咪都會加把嘴埋嚟，完全唔理人嘅眉頭眼額，久而久之就會搞到自己好神憎鬼厭。其實，多嘴唔緊要，若然有自知之明，只要識得收斂，咁就冇乜大問題。最弊係好多口水多個茶嘅人，仲以為自己好受歡迎同好博學，咁就係最悲哀㗎嘞！我好喜歡摩連奴，因為佢真係好賤嘴，而佢喺車路士嘅接班人波亞斯，把口唔算賤，但第日會唔會句句金句就冇人知。今晚車仔迎西布朗，點可能唔揀車仔呀？
青蛙仔
星期六51
車路士vs西布朗
心水：車路士勝[-1]
心得：車仔勁啲囉