成日聽大廚講要飛唔同地方交流，心想一定有好嘢食。今次跟香港文華東方酒店嘅李師傅到上海蟹王府取經，三日兩夜食咗4餐大閘蟹，仲學點拆蟹、包小籠包……不過做呢家嘢都係麻煩師傅，我要繼續食！
記者：趙珮倩
攝影：林栢鈞
鳴謝：香港文華東方酒店
（左）華鴻鋒（蟹王府總廚）
入行16年，擅長炮製地道上海菜，曾榮獲法國藍帶美食勳章榮譽、中國飯店協會行政管理勳章。
（中）李文星（香港文華東方酒店文華廳主廚）
曾為世界多國元首及政要名人下廚，憑其精湛廚藝及豐富的創造力，分別於06年及09年榮獲由香港旅遊發展局舉辦的「美食之最大賞」的至高榮譽金獎。
（右）多多（蟹王府拆蟹專員）
入行5年，每日拆50公斤的大閘蟹，真係閤埋眼都拆得掂，絕招「3分鐘拆蟹」。
挑戰一
3分鐘拆蟹
拆蟹專員多多，由拆蟹腳、蟹箝，到挑蟹肉排好，全程3分鐘。
失敗！
挑戰二
廿叠小籠包
李師傅今次第一次包小籠包，唔知得唔得呢？
明星蟹店10月來港
李師傅此行唔係踢館，而係與蟹王府傾合作計劃。蟹王府是明星蟹店，不少紅星如張曼玉、王菲等都是捧場客，皆因該店自設大閘蟹養殖場，一年四季都有大閘蟹供應。蟹王府廚師將於10月到香港文華東方酒店的文華廳坐鎮，炮製最地道的上海蟹宴，密切留意！
蟹王府地址：上海黃浦江九江路216號
本幫乾燒明蝦
本幫菜即是上海菜，此乾燒明蝦的特色是加入酒釀和辣油，惹味得來，層次更豐富。
材料
花竹蝦3隻、蒜茸/乾葱茸1茶匙、酒釀1湯匙、辣豆瓣醬/泡椒碎/辣油/茄汁/洋葱碎/薑米/鹽/糖/雞粉各1/2茶匙、生粉/葱花/生粉水各適量、雞湯200毫升、紹興酒少許
做法
1.花竹蝦去殼，蝦身中間一刀，反出尾部，蘸上生粉，以180℃油拉油備用。
2.燒熱鑊下油，爆香蒜茸、薑米、乾葱茸、洋葱碎、泡椒碎、辣豆瓣醬，灒紹興酒，加入雞湯、鹽、糖、雞粉煮勻，下酒釀、茄汁、辣油、生粉水埋芡。
3.花竹蝦回鑊，快手兜勻上碟，撒上葱花即成。
貼士
酒釀不可太早落，否則很易變酸。
松子魚
松子魚是地道的上海菜，將桂花魚柳成松果狀炸起，因而得名。
材料
桂花魚1條、鹽/生粉各適量、蛋黃1隻、青豆/甘笋粒各20克、蝦仁30克、糖醋200毫升
做法
1.桂花魚去頭起骨，魚柳成十字花，撒上鹽，塗上蛋黃、生粉。
2.燒滾油至180℃，將魚頭、魚骨、魚柳分別炸成金黃上碟。
3.青豆、甘笋、蝦仁汆水。
4.燒熱鑊下油，煮熱糖醋，加入（3）煮勻，淋上魚身即可。
貼士
炸魚骨時用筷子夾着定型，賣相更佳。
蟹粉小籠包
要小籠包肉汁Juicy，秘訣是加入了以雞湯製成的豬皮凍，蒸熟後便成燙口的湯汁。
材料
高筋麪粉600克、鹽4克、豬油少許、水180毫升
餡料：五花腩肉碎/蟹粉/豬皮各20克、鮮雞湯適量、雞粉1茶匙、葱碎少許
做法
1.麪粉、鹽、豬油、水拌勻，搓成軟滑粉糰備用。
2.豬皮加入雞湯浸過面，下雞粉拌勻，以大火蒸1小時，取出放雪櫃急凍至啫喱狀，然後打碎，拌入五花腩肉碎、蟹粉、葱碎成餡料。
3.粉糰搓成長條，分成每個約6克的小糰，壓成1毫米的薄皮，包入1湯匙餡料，推合封口。
4.小籠包放入蒸籠，以大火隔水蒸5分鐘即成。
貼士
用高筋麪粉比普通麪粉更彈牙。