現時每間大學對內地生宿位安排各異，在浸會大學就讀第三年的內地生陳同學首兩年獲大學分配宿位，之後須與本地生一樣以計分方法申請宿位，「經常參加學會活動有分加，本地居所偏遠都有分加，不過內地生只可透過參加活動攞分」。
三人合租 瞓廳夾少啲
由於他少有參加學會活動，估計未必分配到宿位，故於5月便聯同另外兩名內地生到沙田第一城搵屋，但因租盤搶手，至7月才成功以7,300元租下一個兩房單位，「我哋有兩個人瞓房，每人夾2,650蚊；一個瞓廳，畀2,000蚊」。
記者曾到其單位視察，410方呎單位，大廳及兩間房各放單人床及小衣櫃後，連書桌都放不下，溫書及使用電腦只能屈膝坐在窗台前。
陳同學說：「住就當然係宿舍好，每個月都係千零蚊，搬咗嚟都係為求有個地方瞓覺，平時溫書都喺學校。」
他選擇沙田第一城，主要貪有細面積單位，租金變相較大型屋苑平，附近生活配套又方便，坐巴士回校只需半小時。
《蘋果》記者