港龍及國泰空姐成為戀絲襪癖怪客的偷拍對象。有資深空姐表示，不少空姐為免成為「鹹濕佬」獵物，索性在完成飛行任務後，在機場換衫改穿便服回家。
該空姐指，部份市民平時「見到我哋着住制服會望多幾眼」，因此近年越來越多空姐放工後換上便服才回家，以免在途中被人騷擾，甚至偷拍，「係好唔方便，但冇辦法，就當斬腳趾避沙蟲」。有國泰空姐指，自空姐口交照早前曝光後，空姐不時被「眼望望」，因此近期下機後「變身」的空姐增加不少。
有空姐慨嘆，以往空姐出入搭的士，但近年入行的空姐收入越來越低，上落班靠公共交通工具，巴士尤其是偷拍高危地點，「啲空姐搭完長途機返嚟，好多時都忍唔住喺巴士度瞌眼瞓，啲鹹濕佬呢個時候就有機可乘，有時真係防不勝防，惟有自己提高警覺」。《蘋果》記者