曼聯果然係冠軍級球隊，球員嗒女口味都較其他人勝一籌，好似傑斯愛人妻，細佬老婆都搞，里奧就雜食，由脫衣舞女郎到室內設計師咩都有。班師兄taste咁獨特，師弟湯卡華利原來亦好重口味，最喜歡啖啖肉嘅肥妹！
食肥妹兩次檸檬
英國《太陽報》近日訪問咗一位自稱力抗湯卡華利魔爪嘅肥妹，呢位20歲、做商店助理員嘅女子叫阿Jade，話說有晚喺黑池一間酒吧飲嘢，唔相識嘅湯卡華利行到佢面前，二話不說就錫落去。（阿Jade冇講點解唔反抗），之後二人飲到啤啤夫，就去咗一間旅館投宿。
阿Jade話一心只係瞓一晚，但孤男寡女共處一室，湯卡華利就要求同佢上床，肥妹斷然拒絕。當大家瞓到凌晨5點，嗰位新紮魔兵再度提出性要求，阿Jade都唔肯答應。查實湯卡華利曾喺阿Jade面前力證自己係名人，以為可以得米，結果都要食檸檬！包括用阿Jade部電話上Googlesearch自己個名同相關報道，仲話自己係球員，有保鑣跟身；但阿Jade都不為所動，冇晒面嘅湯卡華利之後只好話「如果第日想快活，就搵我啦！」，阿Jade喺第日仲收到訊息，內容寫"UrLoss"（你的損失），證明湯卡華利好在意自己食唔到肥妹。
湯卡華利家有正菜
22歲嘅湯卡華利係紅魔新紮人物，幫球隊贏社區盾，首場聯賽正選上陣仲贏埋，好腳頭，亦都入選英格蘭國家隊，本身亦都有位拍咗拖一年多嘅36F爆乳嘅內衣索模女友EmilyO'Hara，屋企有正菜唔食，竟然玩重口味，湯卡華利唔通係食得魚翅多，想食吓粉絲？