無綫09年與四大唱片公司（其後bma加盟HKRIA成為五大）反目後歌手買少見少，有見劉家昌兒子劉子千近日憑《唸你》唱到街知巷聞，無綫遂拉攏千千跟無綫簽歌星合約，以為千千睇在父親劉家昌跟無綫揸fit人方逸華份屬友好會一口答應，但據悉千千完全唔畀面拒簽，無綫遂將千千新歌和訪問「低調處理」。至於近日拒跟無綫續歌星合約的鄧紫棋G.E.M.，據知亦一併被無綫打入冷宮。
G.E.M.爭取自由
記者昨日致電千千助手蓉姐，問千千是否不肯跟無綫簽歌星約時，她說：「你喺邊度聽番嚟？我都唔知，點解你會知呢？」蓉姐表示千千自己管理自己的合約，所以她不大清楚。
另方面，G.E.M.經理人張丹昨承認G.E.M.與無綫的歌星約剛滿，現雙方正研究續約事宜。張丹說：「暫時未有決定，有啲條款想佢哋改，如果佢哋願意改嘅話，我哋會簽。主要係自由度方面，希望唔好咁單方面，唔想合約綁得太死。」拒簽歌星約可擔心對G.E.M.構成影響？張丹說：「一定有影響，但我哋未必唔簽，sofar無綫對我哋幾好，同埋係一個好有水準嘅電視台。」採訪：林妃
《睬你》
我的字典裏沒有無綫
因為已紅過你
我從不簽無綫TVB
為甚麼要益你