【本報訊】曾經與立法會議員陳淑莊被譽為公民黨「金童玉女」的郭榮鏗，在黨內擔任幕後選舉智囊長達五年後，終於考慮在今屆區選中親自落場，在海怡東作戰。「唔完善嘅制度下，係需要有人企出嚟承擔」，年僅33歲的郭榮鏗願意在事業剛起步與「仔細老婆嫩」關鍵時刻考慮去馬，也許要「多謝」政府管治流弊百出以及特區司法制度不完善。
公民黨寄予厚望
連月來不停落區的郭榮鏗，受訪時正在街頭派單張。郭榮鏗一直被公民黨領導寄予厚望，希望早日接受選舉洗禮，但足足等了五年，郭榮鏗始願出場，與他發現司法覆核無法協助市民改變社會有關，令他明白參政的重要性。他指出，「司法覆核原意嘅原意，係用法庭釐清法律上嘅問題；如果政策本身冇違法，只係一個差嘅政策，（根本）司法覆核係改變唔到」。
落區接觸相對中產的海怡東市民後，郭榮鏗發現區內居民除關注地區議題，亦對一些全港性的議題，如環保及教育等相當感興趣，令他更希望透過親身參與，讓區議會發揮全港性的作用。
「廢除小圈子選舉」
特區施政不濟，自然是他考慮去馬的關鍵因素，郭榮鏗憤言：「對我哋呢代人嚟講，最大政治問題係特區管治14年嚟質素越來越差，令人擔心一國兩制、高度自治，港人治港日後能唔能夠維持。」民主發展停滯不前、貧富懸殊與教育制度失衡，亦是郭榮鏗最看不過眼的問題，他指港人並非不上進，只是社會制度過於傾斜於權貴及商界，令市民欠缺向上爬的階梯，直斥：「社會動力冇咗，自然令人感覺到冇希望，所以最重要係從制度入手，廢除功能組別同小圈子特首選舉。」
記者：林俊謙