羽翹被本報拍到日前同羅力威約會食點心，雖然冇乜親密行為，但十足拖友咁，噚日羽翹喺新城宣傳，係咪同羅力威拍拖？佢話：「我係三年冇拍拖，都想拍，但係我拍拖都唔會公開，同羅力威識咗3個月，一直話約出嚟傾合作嘅嘢，我冇主動拖羅力威隻手。」怕唔怕俾羅力威啲fans鬧爆？羽翹話：「今次佢嘅fans表現好冷靜。」