【本報訊】「我會重新做人！」才27歲的樂仔，已先後因傷人、偷竊等罪行，六次進出監獄或勞教中心。今次在收押所滑倒撞傷腦部，才令他決心改過。出獄前三星期，他父親更因病逝世，無法見最後一面，令他遺憾至今。「我向爸爸承諾，會好似以前咁乖」。
撞傷腦部無法搵工
樂仔20多歲人學壞，因誤交損友，加入黑社會，每次出獄都想洗心革面，但「一黐埋去，就好難脫身」。父親過身，他身陷囹圄，母親刻意隱瞞，怕他做儍事。直至出獄當天，他才從姨媽口中得知父親死訊，「喊到收唔到聲」。他記得，父子二人最後見面是在荔枝角收押所，一別永訣。
樂仔現時只想找份跟車工作，重新生活。記者問他，可曾後悔犯案入獄，他說有，因在獄中撞傷腦部，無法找工，「仲有見唔到阿爸最後一面」。記者着他以過來人去勸勉年輕人，他指着腦袋打趣說：「千祈唔好學壞，如果唔係就好似我咁，冇咗個頭。」