鮑起靜會幫亞視做一個資訊節目《百年共和》嘅主持，形式就好似狄娜嘅無綫節目《大國崛起》，噚日亞視安排喺大埔錄影廠探班，鮑姐扮到好似宋慶齡咁，佢話：「我都有睇狄娜嗰個，係有少少似，不過我哋會有更多圖片同專家講解。」鮑姐話做呢個節目好緊張：「唔同拍戲，歷史係唔可以錯，所以我好勤力，背稿背到好熟，好似上咗堂歷史科咁。」