目前大約20名露宿者在通州街公園「落戶」，63歲的楊伯是公園長期住客，經常睡不安穩。他習慣挨着背囊睡，有一晚路人叫醒他：「先生，你跌咗嘢！」他睡眼惺忪轉身查看四周，路人趁機搶走背囊逃掉。他又試過一覺醒來，發現腳上的波鞋不見了，「露宿者俾人偷嘢有幾出奇？」
公園好過避暑中心
楊伯當過塑膠五金師傅，北上玩具廠培訓技工，被裁員後豪賭輸光積蓄，潦倒回港，見清潔工僱主嫌他老。他租過唐樓五樓棺材房，未幾患上糖尿腳不良於行，在通州街公園展開露宿生涯。初到貴境，公園有小孩向他擲水彈，「住房月租1,300蚊，我仲要食飯，攞埋綜援都要倒貼200蚊，點住？公園其實幾好，空氣流通過避暑中心」。為何不找家人？「唔敢返去，冇勇氣」。
凌晨4時是公園最熱鬧的時候。小販擺檔賣雜貨，專做露宿者和晨運客的生意。楊伯遺失波鞋，赤腳走幾步就買到拖鞋，「小販攞住電筒照吓照吓，幾得意㗎。朝早7點前要收檔，驚俾食環署捉」。他每天早上在公園跑圈，再到運動場洗澡，最近患上糖尿眼，不能讀報，聽收音機就是唯一娛樂，「電台都冇話有人歧視我哋」。《蘋果》記者