劉青雲、吳彥祖同古天樂合演新戲《竊聽風雲2》，噚日喺北京舉行首映，青雲、吳彥祖同女主角黃奕及葉璇齊現身，古仔因受傷未能到場。大會透露吳彥祖同古仔會憑呢套戲報名第48屆金馬獎最佳男主角，屆時一較高下，講到有冇信心？吳彥祖話：「拿不拿影帝一切隨緣。」佢反而睇好古仔有勝算，不過目前最希望係古仔嘅腳傷可以早日康復。