古巨基噚日喺銅鑼灣一餐廳內同一班fans提早慶祝佢喺8月18日嘅39歲生日,問佢想要乜嘢禮物?基仔話:「想放假。」問佢過最後一個三字頭嘅生日有乜感覺?佢話只係近排會諗多一啲嘢,問佢係咪想結婚?加上最近有報道話佢會喺出年結婚,佢有啲愕然咁話:「邊間講?家未有計劃,不過可能好閃電㗎,但一定會公開。」記者又問佢幾時會公開戀情,佢又搞gag話:「喺閃電時咯!」