鍾嘉欣昨日在跑馬地拍攝新一輯紙巾廣告，兼宣佈續約做代言人，談到最近有指佘詩曼不續約無綫，令其他無綫親生女包括鍾嘉欣、楊怡、胡杏兒和陳法拉等有望在今年爭奪視后，對此嘉欣說：「好多謝大家嘅支持，嗰陣《點解阿Sir係阿Sir》撞正長假期，都冇諗過會有咁好口碑，我覺得自己好好彩。」
睇好胡杏兒
問嘉欣心目中誰是勁敵？她笑說：「我最近冇乜時間睇電視，不過家同緊杏兒合作，我覺得佢好專業，所以都睇好佢。」問嘉欣對自己有多少信心？她說：「信心一定有，不過距離頒獎禮仲有一段時間，未係好感受到，但係亦盡量唔令自己太緊張，我反而覺得有咁多觀眾認同，我當自己贏咗。」
採訪、攝影：何慧斯