【本報訊】下屆特首熱門候選人、行政會議召集人梁振英接受電視訪問時，反駁外界指他「識講唔識做」，他表示，身為行政會議召集人，並無執行政策的權力，只能在行會中提出意見。
N屆不選特首「講多咗」
梁振英又「暗寸」競爭對手、政務司司長唐英年雖有管治經驗，但外國不少例子證明，擔任政府領導不一定要做過官員，有行政經驗不代表有管治能力。
無綫新聞昨播出梁振英的訪問，他承認當年公開表示「第N屆」也無興趣選特首明顯是「講多咗」，又「死撐」指今天政治情況有變，「我當時嘅想法……就係……應該叫做……香港嘅工作功德圓滿、功德圓滿……冇諗到97後碰到新嘅問題」。
為被指識講唔識做反駁
梁振英被問到是否已經決定進入參選特首的「熱廚房」時，仍然不願表態：「我係嗰種喺街度見到有人架車壞咗、停咗喺度，我自己會落車幫人推車嘅人。」
他指自己願意盡最大努力，出任「幫到香港社會不同階層、幫到香港社會整體發展嘅崗位」。
他又逐一反駁外界對他的批評，如被指提出不少施政建議，卻從未提出如何落實，「識講唔識做」，他回應：「喺行政會議，我哋基本上作為行政長官參謀，好多嘢我哋係要提意見，我哋冇行政執行嘅職責。」
梁振英在訪問中，「暗寸」被外界認為擁有政府行政經驗的唐英年指，西方政治領袖不一定要做過官員，「美國總統又好、英國首相又好、澳洲總理又好，呢啲都唔係政府裏面出嚟嘅人，最重要係佢點睇呢個社會，佢願景係點，當然佢要有一定管治能力，但管治能力呢，唔等同行政經驗」。