【本報訊】警方人員透露，18歲的老鼠是東區近期冒起的小頭目，「佢本來跟水房，2個月前過檔北角14K，專門喺東區嘅遊戲機中心販賣K仔」，較早前港島總區卧底行動中，已鎖定老鼠為打擊目標，「佢愛出風頭，每次被警察截查時都態度囂張，又鍾意製造麻煩。喺黑幫內，佢扮到好有義氣，願為朋友出頭，成日吹雞，連不同幫會都有朋友。」
「生死有命 富貴由天」
據悉，老鼠少年時曾經犯事入獄，他愛紋身及上網，背部、雙臂、小腿均有紋身，最特別的是在身體右側紋上「生死有命，富貴由天」8個漢字，與足球明星碧咸身上中文紋身一樣。他經常在個人網誌上貼文，亦將自己紋身照片放上網。兩年前老鼠仍在上學時，曾在網誌透露自己爛賭輸錢「上星期輸到爆廠，輸咗接近三萬…….最衰都係手多去咗賭，上個月使咗一個普通人成年人工。」由於他常在網誌或Facebook留言及炫耀個人事迹，警方對老鼠所作所為非常重視，已展開追緝行動。