何超雲與陳山聰拍拖，曾與超雲傳緋聞的周柏豪及張致恒（Steven）紛紛表示恭喜，超雲的前度男友、皮草太子爺王大業也戥她開心。
曾與陳山聰於微博罵戰拗手瓜，成為手下敗將的周柏豪昨日在元朗出席橫州工業三人籃球賽，問他會否祝福超雲？他說：「梗會，係開心事。」問到覺得會否有甩難感覺，他笑言：「家清晰晒，之前做訪問表達唔好，引起好多誤會。」
問周柏豪可覺得超雲與陳山聰合襯？他只說：「呢啲唔回應。」柏豪表示不會主動傳短訊恭喜超雲，問他會否願為另一半放棄工作四個月？他說：「睇吓係邊個。」
Steven昨日在微博恭賀超雲，他留言：「咁咪好囉，唔使煩啦，我一定支持你㗎！」他表示未有致電超雲，但他說：「超雲成日話再嚟我畫室學畫畫，如果佢帶多個人嚟，我唔拘，等我賺多啲錢，佢家咁開心，等我叫佢請食飯。山聰幾靚仔，係超雲有少少肥，要減肥。」
舊愛王大業：戥佢開心
超雲前男友、皮草太子爺王大業昨日說：「朋友拍拖都戥佢開心，會祝福，有機會會SMS佢。」問王大業對於陳山聰與超雲家庭背景有超遠距離，會否覺得「高攀」及有意見提點山聰？他說：「我自己就冇壓力，超雲條件係好好。」
採訪：馬建華、比華利