鄧紫棋（G.E.M.）昨日在上環預祝後日20歲生日，十多個fans為她送上結他形蛋糕。G.E.M.表示生日每年都有，沒有特別慶祝，她說：「每一年生日都一樣，淨係18歲時叫做史無前例，分開咗幾日咁慶祝。」
避講林宥嘉
最想收甚麼生日禮物？G.E.M.說：「最想演唱會開part2，公司入咗紙，聽日先知得唔得，如果得，9月初就會喺紅館開。」記者想問她緋聞男友林宥嘉有否送禮，G.E.M.未聽完名字，已醒目搶答說：「冇收過，冇收過任何人嘅禮，邊一個人嘅都冇。」
問林宥嘉可會人肉速遞來港和她過生日？G.E.M.一味謂不知情。她指希望未來10年能成為fans的好榜樣，也想30歲前結婚，她說：「媽咪23歲生我，我都想早啲結婚，但生仔就未諗咁多。」
採訪、攝影：盧妹