做我哋呢行，返工時間由晏晝到夜晚，所以好多城市熱爆嘅電視劇都唔會即時睇到，要等重播先至有得睇。當然，家資訊發達，上網乜都可以睇番晒，但我都唔係太喜歡，因為嫌睇芒辛苦。三色台早前喺深夜播嘅《金枝慾孽》，呢齣係繼舊年嘅《天地豪情》後，我晚晚會追嘅重播劇。有人認為呢齣劇意識不良，扭曲咗人性，不過我認為只係反映現實。人與人之間冇錯係應該互相信任，但喺一個商業社會裏面，講就易，做就難。如果朝早10點重播嘅、由華仔偉仔主演嘅《鹿鼎記》可以搬嚟呢個時間做，咁就正嘞！
新一季英超今日開波，聽晚嘅曼聯好對辦，咪同佢哋作對，西布朗應該劫數難逃。
文：青蛙仔
星期日25 西布朗vs曼聯
心水：曼聯勝[-1]
心得：紅魔上場對曼城咁都贏到，邊夠佢哋玩呀？