利物浦隊長謝拉特(圖)唔算好靚仔,但咁多年嚟對球會忠心耿耿,深受球迷愛戴,原來亦係基民至愛。一個同性戀交友網站搞咗個選舉,31歲、已婚嘅謝四爆冷,砌低前隊友費蘭度托利斯,獲選基民至愛英超球員,仲贏埋最佳美腿獎,佢一對金剛腿又長又結實,連掃兩獎好合理;林柏特、法比加斯和祖高爾分列第3、4和5位。