季初波宜先多看才真正下注，銀紙貶值不會快過被強隊輪流「搶」，看過數場熱身賽加埋社區盾，別以為自己已睇通戰局扮專家；世情常變，美麗之都倫敦也暴動，本欄初登場也擔心隨時變免費資訊通街派。
球迷餓英國波久矣，興奮難免，但估不到，連當地著名評論員也似high過頭，「看過曼聯打敗曼城，我會視費格遜爵士領軍的曼聯，為英超錦標的頂頭大熱」，利物浦名宿阿倫漢臣在BBC網站有以上評論；英國《太陽報》的StevenHoward也大讚簽入幾位新人後的紅魔又一次變身成功（evolvingonceagain）。
我先懷疑他們有沒有時間或像小弟冇額外「科水」裝MUTV；就算看過曼聯美國之旅，再靠贏一場重要性從來不高、兼完場前有曼城後衞送禮嘅「有盃頒」友賽，已斷言紅魔今屆會衞冕成功，換血成功云云；以他們的江湖地位，不似小弟在本報預測咁行貨啩。
現今資訊極流通，即時傳來的震撼畫面，判斷未必準確，3月日本地震走貨者事後也大呼呻笨；但長線價值投資又似不合時宜，除非一早肯攻黃金買珠寶股買磚頭，否則近半年幾乎「買乜輸乜」。引伸足球比賽，也不宜太熱情太早立論。聯賽遙遙長路，上周星光熠熠的韋斯咸，降落英冠首場熱W倒灶；但有看過全場直播，他們發揮不似有任何大問題，只是有點季初病罷了。英超競爭更激烈，強如曼聯，性能也多是踏入季中後才發力，買走地者反可見落後才追入，費Sir最叻臨場調陣。
其餘19隊又有幾多人睇得通，視為季初銀行球隊；小弟長期投入「波馬股」，數據圖表往績放得最輕，因多是誘人入局的亮話，除非是恒常及穩定的，如英超近屆強隊優勢正一直減弱，除冠軍由曼聯及車路士壟斷，2至5名球隊所得總分的平均數，近4屆一直下跌，由4屆前的77.25分跌至上屆的68分，若情況持績，即這類估計是曼城、利物浦及阿仙奴等名牌，今季全季38場約得19勝11和8負（共得68分）左右，以這份成績表，我認為沒一隊有長跟價值，英超球星外表最美，最肥的卻是莊家。
家拎住iPhone下注易過借火，但想專注贏錢就要從最熟悉最感興趣的球賽球隊入手；阿仙奴班小虎被嘲有頭威冇尾陣，今季主將鬧離隊聲音更吵，熱身賽成績肉酸；今日作客紐卡素，上屆經典被追成4:4。但對手問題更多，阿仙奴話晒上屆客場王，佢哋嘅進攻足球近年喺人哋球場間有佳作，賠率也是今周多支強隊最好分一隊。下次見報（17/8）
文：蘋果波神