林嘉欣上年6月在加拿大與廣告導演袁劍偉奉子成婚，10月生了囡囡Kayla，之後一直深居簡出，絕迹娛樂圈，叠埋心水做好媽咪和好老婆。隨着近日嘉欣復出在公開場合現身，月初她便在北京出席代言活動，日前又有消息指她上月已經與老公及Kayla回流返香港住，還有人表示見到一家三口甜蜜行超巿。
「佢湊女忙過我」
返到香港，嘉欣前晚就同老公到文化中心，欣賞其戲劇老師詹瑞文演出的棟篤笑《女人之虎》，兩公婆在後台與阿詹及其徒弟泰臣、蝦頭合照，阿詹還將照片放上微博。相中的嘉欣素顏兼戴了眼鏡，笑容依舊甜到漏。
阿詹昨日在電話中表示很高興見到嘉欣偕老公來捧場，雖然不知道她會長留香港還是返加拿大，但會再約她食飯。問阿詹和嘉欣會不會合作？他說：「睇吓嘉欣有冇時間啦，不過佢湊女應該仲忙過我呀。」
採訪：林妃