戰鬥員A另有重要任務，新球季〈蘋果〉擂台由小弟頂上。唔好睇我筋肉人個筆名，以為我上慣擂台，查實我不知幾斯文，見到螞蟻，最多只係用手指撳吓佢，唔會出腳咁暴力。我亦都鍾意睇戲，記得《打擂台》金句「唔打唔會輸，要打就一定要贏。」鬼唔知咩，不過〈蘋果〉擂台名家雲集，英、意、西、德或二線波都有專家，自問自己最熟港甲，如果馬會開本地波，相信筋肉人可以殺出一條血路。
吹咗咁耐水，應該差唔多夠字數，係時候畀貼士。西班牙超級盃提早上演國家打吡，睇過皇馬同巴塞兩隊嘅季前熱身賽，一隊着晒摩打，一隊就好似未撻車，鬥起步梗係揀皇馬。
文：筋肉人
星期日41 皇家馬德里vs巴塞隆拿
心水：皇家馬德里勝
心得：撐摩帥第2季有貨交