英國倫敦托特納姆一宗警員槍殺市民事件，令全國發生暴亂，搞到噚晚英格蘭主場對荷蘭嘅友賽都要取消。球迷家最關心嘅，當然喺禮拜六開鑼嘅新一季英超會唔會受影響。截至香港時間周三晚上為止，仲未有消息話會打唔成，但係，熱刺班球星就希望，佢哋主場對愛華頓場波可以改期。熱刺後衞卡保奧就話：「我對喺托特納姆所發生嘅事感到好驚訝，真係唔知應否喺周六如期比賽。」至於中場雲達華治則表示：「我唔敢想像眼前見到嘅嘢。我問自己，禮拜六場比賽應唔應該如期進行。」我求大俠好理解熱刺球員嘅憂慮，白鹿徑球場可以坐成3萬幾人，萬一有人挑起火頭搞事，後果真係不堪設想。但點都好，希望事件可以盡快解決，新一季英超可以如期喺禮拜六開波啦！