早前有國泰空姐與機師的機艙口交照外洩，令人譁然。劉心悠和陳嘉桓昨日出席手機活動時，異口同聲堅拒影此類親密照，劉心悠坦言不明白女生為何肯影，陳嘉桓更表明「唔見得光」的相，不會影。
劉心悠、陳嘉桓和周柏豪等昨日在北角出席HTC手機活動，陳嘉桓近期賣青春、性感，昨日也露背示人，劉心悠則穿上5吋高跟鞋，但平衡力一般，出入時多次站不穩。
陳嘉桓：唔會影
早前有國泰空姐與機師在機艙口交，照片因手機外洩，令人譁然，陳嘉桓表明就算男友要求，一樣冇得傾：「我會要求唔影，啲相又唔見得光，又唔會靚，咁影嚟做乜？家唔會影，將來都唔會影。」劉心悠聽聞事件更大呼：「小心呀！家手機仲有3D效果，嘩！」她坦言自己愛影相，甚麼都愛影，尤其動物，至於親密相她就說：「抱抱呀、喺生日會kiss都會，呢啲係留念啦。」
劉心悠又謂如果男友要求也不會答應拍此類親密照，更覺得肯拍的女生很奇怪，她說：「我睇戲見到呢啲合照，都覺得好奇怪，雖然個個都有唔同癖好，但女仔要識得sayno，一定要拒絕。」她自言感情沒着落，面對近期多位女星如劉若英閃婚，她乘機大賣廣告，着女星們找她買嫁女餅：「我唔恨嫁，不過都期待做人老婆嘅感覺。」
周柏豪SMS超雲
此外，周柏豪自爆有兩部手機，笑着直認是一腳踏兩船，父母是大婆，其他人是二奶。近期超雲疑有新歡，撇甩陳山聰，周柏豪劃清界線說：「好耐冇聯絡，之前都有SMS來往，互相問候吓，關於感情就真係冇問。」疏遠超雲？他說：「不嬲都遠o架啦，都係SMS。」
採訪、攝影：盧妹