啱啱喺紅館開咗兩場個唱嘅蕭敬騰，留咗喺香港做新碟宣傳，噚日就現身商台受訪，不過見佢面青青，原來佢感冒，蕭敬騰話可能做完演唱會太攰所致。講到蕭敬騰嘅父母嚟香港睇佢嘅騷，問佢帶咗雙親去邊玩？佢話：「8號當天是台灣父親節，我帶他們去西貢食海鮮，現在他們已回台灣了。」蕭敬騰講笑話父母睇佢演唱會綵排都係其中一個景點喎。