混血女模MandyLieu今年開始轉型，由模特兒、主持跳到影圈，先在內地拍攝音樂電影，下月開始又再返北京，投入拍攝另一套新片。MandyLieu前日在銅鑼灣示範120周年紀念的BallWatch時，坦言時光流逝，風格、時尚也會改變，但人追求快樂的基本是永恒，自己愛在挑戰中尋快樂，gowiththeflow。
模特兒一紅就轉型找出路，不只熊黛林、Angelababy、混血女模AmandaStrang開餅店、CaraG.跳到Discovery拍旅遊節目。MandyLieu去年開始也開拓新路，做主持後，早前返內地拍音樂電影，飾演埃及妖后。
永遠追求快樂
前日Mandy在銅鑼灣示範名錶BallWatch的120周年紀念新作TrainmasterOneHundredTwenty，此錶重走復古設計，條形時刻與傳統的9時位日曆窗設計，品牌最強的夜光功能，120周年紀念版在錶面上鑲上14支自動發光的微型氣燈，夜間讀時清晰無誤，可謂走過百年，絕不是易事。
同樣地，Mandy之前扮演埃及妖后，她也認為不容易，她說：「我之前喺音樂電影飾演埃及妖后，呢個都係好幾百年前嘅人物。以前好難想像100年係點樣，係接觸唔到嘅事，家就可以。我覺得時間過去，環境、lifestyle，好多事物都會改變，但人嘅追求係不變，例如快樂，快樂就係人一個最basic嘅追求。」
Mandy坦言自己是一個happygirl，很容易開心，現時每刻都很快樂：「我諗唔到我唔開心嘅原因。每日起身都好開心，我做緊自己鍾意做嘅事，每日都識到唔同嘅人，再連結到不同connection，人與人之間，雖然唔係每日見、每日通訊，但每個connection都微妙存在，未來又會有交錯，不斷豐富自己世界，咁唔係好開心、幸福嘅事？」
嘗新超越自己
不斷接受挑戰，在想法積極正面的Mandy來說，是一件接一件快樂的事，她說：「做model係代表個品牌、代表設計師；舊年開始做主持，多咗MandyLieu嘅元素，9月開始做電影，又係一樣新開始。不停去試，可以更深入了解自己，每一次超越自己，就係一個成就。」
採訪：林妙萍
攝影：葉君海
一兩萬元的品牌入門版自動錶，也可以有高要求。Ball去年推出的自動錶EngineerMasterIIDiver系列，有齊時分秒、星期日期顯示，更有24個世界時區顯示和潛水計時圈，功能齊全，但價位friendly。今年6月在歐洲權威錶書《00/24WatchWorld》，更被選為2011年3,000歐元（約33,530港元）以下的最佳男裝錶。
尋根軌迹
火車誤點，隨時撞出大意外，BallWatch的出現，事實上也和撞火車有關。在120年前，美國發生Kipton特快郵政車誤點撞火車慘劇，有關當局邀請了發明家WebsterClayBall創作一套計時系列，確保火車準時。
Ball早前在銅鑼灣開設新專門店，保留了火車元素，店內以仿古鐵路木軌作裝飾，更展出過去120年的古董陀錶和海報等。
