過氣情侶吳卓羲和官恩娜（Ella）當年堅拒承認戀情，事後更傳出兩人因分手鬧不和，去年兩人再度碰頭也大方合照。現時兩人身邊亦各有伴侶，以為兩人再見亦是朋友，估不到前晚他們分別到將軍澳電視廣播城錄影無綫節目，Ella聞「羲」色變，為避吳卓羲更匿在錄影廠，似乎見過鬼真的怕黑。
現年32歲的官恩娜與吳卓羲05年因拍無綫劇《酒店風雲》而相戀，不過兩人從未承認戀情，及後兩人分手後即傳出不和，Ella更暗示吳卓羲是爛桃花，直到去年兩人在公開場合碰頭，他們即收起成見大方合照，令人以為他們再見亦是朋友。
同在無綫錄影
前晚Ella和吳卓羲齊齊現身將軍澳電視廣播城，Ella擔任《變身男女ChokChokChok》嘉賓，吳卓羲則演出《勁歌金曲》，由於兩個節目錄影時間只相隔15分鐘，加上在隔籬廠，所以碰面屬意料之內。未知是否臨近鬼節關係，前晚Ella忽然「鬼揞眼」，除了同吳卓羲玩捉迷藏外，更全程匿埋在錄影廠，反而吳卓羲與平日做節目一樣，乖乖留守化妝間做準備。
及後開始錄影時，Ella被發現在錄影廠內，但她卻堅稱不知道吳卓羲在隔籬廠，她死撐說：「因為化妝間好多人，所以安排咗我去第二度化妝，唔知佢喺度，唔會避，見到會打招呼，大家都識。」記者提議兩人久未見面，可以來一個擁抱，Ella聞之色變並九唔搭八向記者拋下一句：「身體健康！」
卓羲唔幫馨予
反而吳卓羲表現較大方，並強調與Ella「冇嘢」。提到粉絲與緋聞新歡張馨予在微博發生罵戰，張更放了一張粗口手勢照片還擊，吳卓羲為免得失粉絲和新歡，只好採取中立態度，並說：「我唔知乜事，唔參與，呢啲事唔想回應太多，而且今日原來係我農曆生日，唔係fans提我自己都唔知，生日願望希望身體健康。」
採訪：楊潔雯
攝影：葉君海