【本報訊】「我想好似Daddy咁做自己鍾意嘅事」。Venise的爸爸是著名海洋生態攝影家陳志賢，其作品曾被國際性水底攝影比賽C.M.A.S.評為世界十大佳作之一。Venise笑言自己跟父親頗相似：「我哋都將興趣變咗做職業」。父女倆對夢想同樣堅持，當Venise在美國打拼時，陳父也遠赴喜馬拉雅山及南、北極等地拍攝自然生態。
至於網球手，Venise表示自己最仰慕李娜跟費達拿，更曾跟兩人傾談。她認真分析：「李娜好有個人風格，啲人成日話亞洲球手淨係識死練，但李娜打法好多變。」大學三年級暑假，Venise在Nike當實習生，有幸認識偶像。李娜在Venise籌辦的活動中現身與小朋友一起打波，兩人更合照，「不過張相唔見咗呀！」至於另一偶像費達拿，「喺美國公開賽見過，同佢傾過偈，好nice，好欣賞佢輸波都唔發脾氣」。