美斯日前被狗仔隊影到喺遊艇上攬女同疑似煲煙，親手摧毀自己建立嘅乖乖仔形象，當事人仲未知衰，透過社交網站fb死雞撐飯蓋，話自己從來都唔係煙民，報道純粹老作，張相見到嘅其實喺支波板糖喎！再睇番張相（圖），美斯當時嘅動作似點煙多過食糖，而且波板糖嘅糖棍冇理由咁粗，怕且解釋都只係掩飾，點解唔直接承認，死撐仲衰多幾錢重！