六叔邵逸夫日前去到電視城睇港姐選舉，當晚佢頂住錄影廠嘅冷氣，由頭睇到尾，見證新一屆港姐誕生。日前六叔一如往年，喺電視城頒獎畀得獎港姐，同場有電視廣播有限公司副行政主席梁乃鵬，佢哋都分別同冠軍朱晨麗、亞軍朱希敏、季軍許亦妮同國際親善小姐梁麗翹合照，當日六叔着黑色唐裝褸襯紅頸巾，零舍醒神。