正式回流香港的吳綺莉昨日錄影由她主持的無綫節目，當被問到成龍老婆林鳳嬌日前為她避走台灣，當面提起她時更即時黑面，對此吳綺莉未有正面回應，只表示自己跟成龍的感情事已成過去，不想再提。
吳綺莉由上海回流香港，近日重返幕前主持無綫生活台節目《女人有話兒》，昨日她到跑馬地錄影，並請來好友袁詠儀（靚靚）和關寶慧做嘉賓。袁詠儀表示兩人是90年港姐和亞姐冠軍，問她會否在節目中反問吳的私生活？靚靚說：「關心佢係可以，問私生活就唔好喇，除非佢自己講。」是否覺得吳綺莉兩母女應真正面對生活，靚靚說：「關我乜事呀？想我死咩，你哋問番佢！」
吳綺莉直言返港後已有心理準備被問私人事，會否擔心經常提及成龍，吳綺莉說：「唔講成龍，唔關我事，唔關個女事，個女係我嘅，總之講我個女會講，講第三者就唔講，而且都過咗去，話題都好悶。」
不滿新居曝光侵私隱
有指林鳳嬌因吳綺莉回流香港而避走台灣，吳綺莉說：「我覺得新聞好多餘，家交通咁方便，啲人都成日四圍走，大家唔好咁敏感。」林鳳嬌被追訪時一提到她即黑面，吳綺莉說：「嗰日天色唔好，大家諗多咗！」
吳綺莉表示知道舊事一定被重提，但對她來說已非新聞，她說：「過咗咁多年，唔通到我個女第時結婚又問親家咩，算喇。」問到女兒回港後看到新聞，可有問有關老竇成龍的事？她說：「冇嘢，寫又重複寫，我亦重複答，講乜都冇用，都麻木咗。」吳綺莉最不習慣是新居被報道，她說：「唔應該去我屋企，覺得私隱被侵犯，可以唔好就唔好喇，但我暫時都唔會搬。」
《辛亥革命》東京參展
此外，昨日日本有消息指成龍和李冰冰等主演的電影《辛亥革命》，將成為今年10月開幕的東京國際電影節的特別開幕電影。影展開幕電影是荷李活型男奧蘭多布魯（OrlandoBloom）主演的《三劍俠》（TheThreeMusketeers），但現在加了一套《辛亥革命》，所以就叫做特別開幕電影，成龍表明會出席開幕禮。
採訪：王崇穎
攝影：陳慧安