廖碧兒自從和陳豪分手後，形象插水，近日有指她因和李澤楷表弟林忠豪甩拖，人財兩失，不惜傳短訊給陳豪，希望翻撻再以情侶檔搵銀。廖碧兒昨日在淺水灣出席活動時否認翻啅，更不停轉話題，避談舊愛。
林忠豪發聲明
對於翻啅陳豪，廖碧兒說：「完全唔知，唔係事實嘅嘢唔回應。」那事實是甚麼？她說：「我完全冇聯絡Moses（陳豪）喇。」可會想再情侶檔合作？她說：「工作嘅唔係我處理，我私下冇乜聯絡佢，同場撞到嘅會sayhi。」
對陳豪還有feel嗎？廖碧兒說：「朋友囉，我冇send過sms。」至於前緋聞男友林忠豪，她強調有朋友間的聯絡，但拒回應有指林忠豪有新女伴林淑怡。林忠豪昨日就發聲明澄清，對指他四出媾女等報道是「無中生有」和「深感憤怒」，更表示新女伴只是友人。
採訪：梁錦雯
攝影：林德雄