【本報訊】股市猶如過山車，叫美食博覽部份展商也心驚膽跳，尤其主攻中產的攤檔，「有啲熟客都話自己有投資股票，都責住唔少錢o架」。小展商因食材成本上升，未能大推優惠吸客，面對「手緊」顧客，大嘆生意難做。
鄭女士帶着女兒左穿右插，選購急凍皇帝蟹等中高檔貨品，「以往都好少格價，但今次格咗好多間」。她說近日股市波動大，「有錢都唔敢亂使」，「但啲仔女食開，唔想唔買，惟有買少啲」。她說預算只花數百元，較以往少一半。
生意或較往年差
賣日本急凍海鮮的福島食品負責人劉玉兒說，顧客對象主要是中產，但股市動盪，客人明顯較手緊，「有啲熟客都話自己有投資股票，都責住唔少錢o架。」以往買滿200元送保溫袋，今年「夠100蚊我哋都送，個袋成本10蚊o架」。預料生意較往年差。
賣野生菌類等高檔貨的聯記號負責人Winnie說，或受股市影響，攤位人流首日少約15%，尤其少「生客」。早前有人報稱食鮮菇後不適，她說近日終獲食安中心回覆，證實其產品安全，但事件已影響酒店、食肆等定單。