新一屆港姐又告出爐，聽說今年素質比前數年高，恭喜無綫，起碼讓大眾講靚女有話題不用老講：「選完連名都記唔起，邊個嚟o架？」
好幾個月前改版的蘋果財經尾頁「中環我至靚」，十分受落，為香港平反，邊個夠膽話我地冇靚女？不是什麼model，o靚模，邊房千金乜萬寶，而是實實在在走在街頭的自然靚女，混血品種其多，配合國際都會形象，實至名歸。小心，最近也見o靚模出現該應與名人娛樂並鹹版絕緣版位，冇需要囉，老鼠屎幾粒攪濁一鍋清香粥。
最近幾次飛港龍航班北上，見幾名絕對港姐三甲質素，不敢比較國內什麼新絲路，中央台CCTV模特大賽賽者水平，都曾做過評判，港女外觀輸起碼兩條街；港男？二十五條！不過港女氣質取勝，自然加爽不似內地不少靚女嗲到豬油三擔！其中兩名Dragon空姐，身高起碼1米78，樣貌清美。如若遊戲規則在過去，不似今天模特公司＋公關公司＋媒體不斷捧出而非民間自然投票的不及格名模；肯定是馬詩慧、陳嘉容等真正名模接班人。
這些空姐，中環以至香港18區靚女，不會參加選美啦，時代不似鍾楚紅、張曼玉年代；過去十多歲又沒機會讀書下去的靚女，參加選美是出頭機會。今天不少靚女如非出身自小夏天到普羅旺斯練網球，Bath練馬術的「中產」家庭也有自給自足正面的工作與生活，拋頭露面的奉獻在進步的社會是一種落後現象；留給中國、印度、中南美諸國當算選美強國吧。香港在80年代之後便算另一個世代，大眾的眼球投射有更多空間，美麗標準也更講求獨立標籤；在西方，自從80年代末90年代初出過一批超模後也亦無以為繼，姬蒂，劍橋公爵夫人是異數萬人迷。