宅男常言道「這個機會不是我的」，唏，機會總要靠自己爭取。何況姿整已經不是女人的專利，學Wyman話齋直男都興姿整，修眉修甲、FacialMassage，唔做先唔潮，男人一樣有扮靚權。又學陶傑話齋，香港人有崇洋心態，結合兩位達人所講，首次由英國進駐的Gentlemen'sTonic你應該要留意，就連英超球星、紳士都幫襯，你就知世上其實沒有必醜宅男，只有Hea男。
記者：雷福財
攝影：陳陶鈞
Model：Ray
Wardrobe：Gieves&Hawkes
互乘名店 球星力撐
既然是首次由倫敦進駐香港，起底自難免。2004年由OlivierBonnefoy開辦，現時已有4間店分別於Mayfair、Selfridges百貨公司、ParkLane及Gieves&Hawkes開設，對英國略有Shopping經驗的，一聽就知是走高檔路線。的確，香港店的位置就座落中環置地廣場，英國客人名單更包括不少英超球星、議員、明星歌手，但由於私隱理由，經理只能提供客人界別。
Gentlemen'sTonic可說是英國極少有專為男士而設的扮靚中心，除提供修剪髮型，更同時有Facial、按摩、眼部護理、修甲、脫毛、刮鬚等服務，及自家MadeinEngland護理產品，令你猶如置身英倫，做個型爆紳士。
皇帝式Salon房
香港或日本式的Salon，剪同洗都須要行出行入，但最要命還是被迫接聽隔籬位那陌生人客的個人近況、是非八卦、股票升跌或無奈地將私人事「公諸於世」。為顧及客人私隱，這兒每名人客都只在獨立房間下剪髮洗頭，房內亦提供電視、上網、報紙及雜誌解悶。除此以外，Gentlemen'sTonic髮型師能操廣東話或國語，絕對唔使擔心溝通問題，就算你想跟足某個英個名人髮型，一樣可度身訂做。
微量升呢「悲食」三部曲
6呎7吋高的Ray，就是穩重得過份，高大變成負荷、穩重變成戇實。要變型，先理好髮型。往後其他細節，如面部護理、手腳護理、脫毛修鬚等亦不能忽視。以Facial為例，這裏就提供了6種選擇，收費由$500至$1,050不等，針對不同男士的皮膚問題而設。想放工Relax吓，建議選熱石按摩及反射治療，價錢則由$400至$1,400不等。但礙於時間、也顧慮到部份男士未能一下子接受太多的儀容服務，今天便先來個輕量版，集中做最快捷基本的理髮、美容及修甲，且看成效如何。
首部曲 理亂髮
剪髮收費：$550起
次部曲 蒸氣面
Facial收費：$500-$1,050
三部曲 好拖男
修甲收費：$400起
（剪髮＋修甲全套Package$825）
英倫用料
話明由今日起做個完整姿整男，平日護理亦不可少。品牌旗下的Babassu&Bergamot系列產品，經過3年研製，專為男士頭髮及皮膚而打造，標榜不含任何污染物如石油物質、人造色素、合成香味、及有害化學物質，產品覆蓋洗髮乳、剃鬚膏及工具、沐浴液等，最重要是全是MadeinEngland，據店長LadySarah講不少女客人愛買產品送給老公或男友。
Gentlemen'sTonic（25252455）
中環置地廣場地庫B47-B48