高材生走進貧窮，原來阿銘也經歷過貧窮，「中一嗰時變咗單親，阿媽一個人湊大我同阿哥，我哋住公屋，拎過綜援，亦都試過一家三口月入4,000幾蚊」。因此他對貧窮特別有感受。
兼讀碩士 獲獎學金
阿銘會考27分，高考2A2B，「其實可以入到精算系」，他卻選擇到中文大學修讀社工系，三年課程獲10萬元獎學金，毋須向家人伸手拿錢之餘，二年級下學期開始每月給家用4,000元。他08年以一級榮譽畢業，去年獲中大社工系兩年制兼讀碩士課程全獎學金，即每年學費4.5萬元，今年9月開學後會完成餘下一年課程。
阿銘從無標榜成績驕人，記者都是在他大學同學口中才知他品學兼優。他現時月薪萬多元，自言家境一般，但算是幸福的人，既然有能力，該貢獻社會。
港台電視節目《窮富翁大作戰》只是真人騷，對阿銘來說，服務窮人卻是他的一生使命。他住的樓層下月就要清拆，改建成劏房，「會再搵其他板間房住，接觸唔同嘅人；我同鄰居傾搬去邊，佢好無奈咁答『見步行步，冇錢就係咁』，我都幾心酸。其實我最體會唔到嘅嘢係，我有選擇、有希望，（住板間房）隨時唔掂就可以走，但呢啲基層就唔得」。《蘋果》記者