阮兆祥、王祖藍及李思捷主演的電影《勁抽福祿壽》前晚舉行首映禮，有份演出的「高登女神」高海寧（高Ling）及陳法拉同以露背裝現身，實行誘惑福祿壽，高Ling又透露，已在戲中獻出銀幕初吻給李思捷，相信會令不少高登仔傷心。
阮兆祥、王祖藍及李思捷主演的邵氏電影《勁抽福祿壽》前晚在圓方舉行首映，除有監製曾志偉及無綫高層樂易玲撐場，高海寧、陳法拉、薛凱琪、張可頤及謝天華等亦有出席。
高海寧獻初吻
穿露背低胸裙的高海寧，前晚算是最性感，她說：「今日唔算性感，我揀衫時最sharp呢件，前少少，後少少，有少少低胸。」高Ling在戲中與李思捷有咀戲，問她會否怕宅男妒忌？她說：「係咩？首次拍接吻戲，去到現場睇劇本先知有。思捷好好人，有同我傾偈，熟啲效果好啲。」問高Ling將銀幕初吻獻給思捷是否滿意？她說：「幾好，佢又專業又好人。」問想不想對手更靚仔？她尷尬說：「見仁見智，我覺得佢靚仔。」她又說不用向思捷女友備案，因只是工作。
今屆港姐冠軍朱晨麗被指貌似陳法拉，問法拉會否擔心朱晨麗與她競爭？她自信說：「歡迎吖，唔怕比較，公司需要新面孔，係良性競爭。」
志偉明益宗澤
法拉在《勁》片中演阮兆祥前妻，是黑幫大家姐，戲內要扮惡摑祥仔，問她是否演到粗魯？她說：「盡量啦，有時導演都話唔夠粗魯，個角色都要講少少粗口。」
曾志偉近日不停籌拍邵氏電影，有指他是邵氏電影掌舵人，志偉稱不是，只是幫手度橋，他說將開拍兩部戲給黃宗澤，一部是宗澤擔正，另一齣是宗澤與金剛合演，類似當年的《咖喱辣椒》。問志偉會否怕其他藝人眼紅宗澤？他說：「唔係話捧，只係啱佢拍。」並讚宗澤與林峯都不錯。
採訪：文國駿 攝影：黃文偉