【本報訊】美食博覽周四起一連五天在灣仔會展舉行，工業總會優質標誌局（Q嘜）首次參展，將獲認證的港產Q嘜食品及食具等「大晒冷」，包括揚威歐美的unplugged（無需插電）汁肉分離榨汁機、全球首部可切出14款式的多功能刨切機。
從事24年廚具研發的Konstar集團主席汪恩光，設計一系列無需插電廚具在歐美打響名堂，更獲冠名港式廚具。他今年決定經優質標誌局參加美食博覽，展示一系列新產品，「想講畀人知，港產設計都係得嘅」。他即場示範一款外型如死光槍的榨汁機，無需用電，攪拌水果時，果汁和果肉從機身分兩個孔道排出，「傳統嘅榨汁機，果肉殘渣好難清洗，呢部機賣點簡單易用，用洗一冲就乾淨」。
多功能切割機更屬全球首創，他說，研發20多年終研發成功。將生果、薯仔等放在機上切割一下，就可切成正方、菱形、蛇形、網狀等14款形狀，「全世界得我呢部機做到」。
廣達實業銷售經理王慶榮示範其Apollo大力剪，無論大閘蟹或龍蝦，都輕易可拆骨起肉。每把原價36元，在會場會以一元發售。