李泳豪日前接受商台錄音訪問，講到佢同楊思琦分手搞到好多是非，豪仔話：「過咗去唔想講太多，當初喺埋一齊係緣份，好慶幸有班朋友畀咗好多中肯嘅意見開解我。」問泳豪會否再拍拖？佢話：「我暫時未ready，目前希望專心工作先。」訪問中泳豪仲透露06至09年佢最難過，因為有好多冷言冷語，出街啲目光又難捱，但家總算雨過天青。