李泳豪昨日到商台接受訪問，原本通告指他與阿哥李泳漢一齊受訪，但最後只有他一人，泳漢曾數楊思琦不是，難道是泳豪不讓阿哥同時受訪？泳豪解釋：「唔係，早兩日已經通知咗，佢有嘢做嚟唔到。」
泳漢曾指思琦白食白住，又鬧其母施明，問泳豪是否屬實？他說：「唔回應，過咗去就唔好再提，阿哥都係錫個細佬，家搞到佢咁負面，我都好唔舒服同內疚，我都有安慰阿哥。」
心情混亂
老竇李家鼎曾表示擔心泳豪自殺，泳豪說：「我嘅角色係盡量安慰屋企人，我有同老竇講我冇，我唔想佢哋擔心，唔會表現得唔開心。」心情是否平復？他說：「真係答你唔到，好混亂，只係想我同佢（指思琦）生活可以繼續好好同快樂。」他聲稱若在無綫遇到絕不尷尬，但最近已沒聯絡。
採訪、攝影：胡比