夏日消暑2：最輕物料　貼身泳衣更3D

想游水游得快，除咗日日練水，有時都要借助科技之力，就好似當年所推出嘅一套鯊魚裝，紛紛成為各地選手嘅取勝武器。不過科技年年推陳出新，游泳裝備無論由泳衣到泳帽，一樣暗藏幫助泳手的科學元素。

記者：王震遠　
攝影：林栢鈞
Model：[email protected]
查詢：Speedo（27304770）

LZRRACER貼身減磨擦6%

國際泳聯世界錦標賽剛落幕，粉絲們唔止有幸一睹泳手精采表演，仲順道有機會留意一下游泳界嘅最強裝備。就好似今次港隊出戰，亦選擇了Speedo專業競賽系列的LZRRACERELITE戰衣，亦即係奧運8金泳手菲比斯所穿的同系列泳裝！
所謂高手過招，有絲毫差別足以改變賽果，呢件LZRRACER，係繼人稱鯊魚衣（Fastskin）後推出的另一款高科技研發泳衣，由自家研發的獨家物料LZRPulse製成，物料由防氯綜合彈性纖維和幼紗線組成，是全球最輕物料，有助減低水阻。
戰衣在設計上用咗3D立體剪裁，令到賽衣可以更加貼身，唔止可以減少水阻，仲可以令肌肉產生動能，去幫助減低身體受壓時引起嘅不穩定性，幫助泳手更快的推進。加上特別的無縫設計感覺更舒適流暢，而且比起一般泳衣，LZRRACER表面磨擦力減少了6%，夠晒資格成為奪標的秘密武器。

■相比起一般物料，LZRRACER更輕更乾爽。

■褲筒內有膠邊，可以防止水流入，身體可以保持乾爽。

■布料超薄，在燈光照射下可以看到透光，大家可想像有幾薄。

LZRRACERELITE港隊特別版（非賣品）

使用全球最輕物料LZRPulse，是有效減低水阻的黃金戰衣！3D立體剪裁和無縫設計令戰衣比一般的表面磨擦力少6%。

XT-WFASTSKIN亞洲人專用

LZRRACER聽落係好強，不過如果唔啱心水，一樣有另一款專為亞洲人而設的比賽戰衣！名為XT-WFASTSKIN，用咗日本製物料製成，物料超輕而且防水，一樣可以減少水阻，仲有速乾功能，係Speedo獨家研發產品之一。設計上亦為咗亞洲人身形而度身訂做，剪裁更加貼身，特別嘅流水動態設計更可以幫助泳手發揮。