梁詠琪正忙着與任賢齊拍攝新戲《傾城之淚》,日前專程由上海返港出席前晚於灣仔舉行的慈善演唱會,她謂為拍該片,特別苦練小提琴,弄到腰頸勁痛。最近自資搞娛樂公司的她,經常要簽文件,令她很有滿足感,過足老闆癮。
聯合國兒童基金會(Unicef)為慶祝成立25周年,前晚在灣仔會展舉行慈善音樂會,表演及到場的藝人包括黎明、楊千嬅、梁詠琪、楊采妮、內地鋼琴家郎朗和男星黃曉明等。黎明扁桃腺發炎,在郎朗伴奏下以三、四成聲音唱出《你不會孤單》,幸有一班小朋友合唱,表現未受影響。
跟姚珏學藝
剛由上海返港的梁詠琪,正忙於與任賢齊拍攝新戲《傾城之淚》,更要苦練小提琴,她說:「一個月前已經跟姚珏老師學小提琴,佢好好人,會同老師一齊演出,我喺屋企都有拉,發出初學者嘅噪音。」可有被鄰居投訴?她說:「冇呀,我朝早拉,搞到腰頸勁痛。」
梁詠琪表示明年有四套電影上映,剛榮升娛樂公司老闆的她說:「家搵人寫勵志劇本,所以都好忙,我年底會出國語碟,家開公司做老闆,自己主力做藝人,公司事務交畀同事搞,我成日要簽文件,好有滿足感。」她早前與男友、美國駐港總領事館人員Matthew分手,心情已平復,更露甜笑,似在蜜運中,她說:「我不嬲笑得甜,感情事要畀時間我計劃吓,順其自然,始終要專心工作,我滿足現狀。」
采妮冇歌癮
楊采妮則表示多年來跟Unicef出外探訪了七次,前晚她沒有上台唱歌,她對此說:「我冇唱歌十幾年,都冇諗過再出碟,間中都有人搵我出碟,如果拍電影啱都會唱。之前同郭富城拍《百年浮城》都有唱水上人嘅鹹水歌。」
問可會有歌癮?楊采妮說:「平時會冲凉唱歌過吓癮,都有fans話唱K唱返啲舊歌。」她又謂近期忙寫有關心靈勵志的書籍,希望可以藉新書宣揚「轉念」。黃曉明則在台上表示支持Unicef多年,覺得幫人令自己更有使命感,早前更去了青海玉樹幫助重建。
採訪、攝影:盧妹