電影《福祿壽》即將上映，曾志偉和薛凱琪（Fiona）首度合演父女，當中有幾場喊戲，志偉讚薛凱琪說：「佢話喊就喊，好似㩒掣咁，我自己拍呢啲戲都要培養情緒。」
祖藍想咀盧覓雪
王祖藍飾演Fiona的男友，不乏親嘴戲，志偉笑說：「對住祖藍喊容乜易，有條仔咁喎，梗係喊啦。」問Fiona對祖藍的膶腸嘴有何感覺，她說：「錫佢幾搞笑，第一個感覺唔係個嘴，係佢成個鼻頂住你。」在銀幕上Fiona曾和房祖名親吻，她表示不會比較，志偉即取笑她：「次次錫親啲對手都大鼻。」
此外，王祖藍、阮兆祥、李思捷和張可頤等昨日到旺角宣傳，福祿壽在戲中艷福不淺，祖藍形容與薛凱琪是勝利之吻，思捷與高海寧是高登之吻，祥仔則被盧覓雪強吻，祥仔笑言：「我係被動，係摧毀之吻。」三人還取笑高海寧花名海寧大包，祖藍更謂票房若過千萬，會要求互換女伴咀嘴，他想跟盧覓雪一對。
採訪：卓寶花
攝影：陳志嵐
場地：美麗華酒店