周秀娜近日同林家棟喺馬來西亞趕拍新片《紙月亮》，而周秀娜噚日拍一場坐電單車戲時翻車，佢對玉腿畀氣喉壓住，仲灼傷埋，工作人員立即送佢去醫院。周秀娜噚晚將喺醫院嘅相放上微博，仲留言：「腳被摩托車排氣管灼傷了，進醫院洗傷口，腿變萬花筒了。」周秀娜經理人Roy噚晚話：「醫生話佢呢幾日傷口唔濕得水，佢會休息吓先開工。」