何潤東和師弟AK前晚在九展舉行音樂會，何潤東父母由加拿大來港捧乖仔場，傅穎（Theresa）前來睇騷。穿魚網背心的何潤東狂晒肌肉，除了唱自己歌，又唱張學友的作品。
被踩年齡大
不過何潤東的廣東話認真麻麻，他說：「我喺香港出世，但多年喺外地生活，廣東話始終唔好，朋友又笑我返香港係咪媾香港女朋友。」他講「媾」字時發音十足粗口。AK表演時全程「咪嘴」。
Theresa跟何潤東可謂「大纜扯唔埋」，她直言：「我同佢冇合作過，但係細細個已聽佢唱歌。」擺明踩對方老！出名健碩的何潤東是否Theresa喜歡類型？她說：「佢係好多女仔嘅理想對象，我都想同佢合作。」
會否介意拍床戲？Theresa表示自己從未拍過，擔心他的fans呷醋，不敢多談。此外，陳蕊蕊為何潤東伴舞，但兩人表現生硬避忌。
採訪：王崇穎 攝影：黃文偉