家長愛Wish　力討歡心

身邊好多朋友買車的第一主因：「屋企多咗個細路，有架車方便啲！」有邊個老竇唔想買跑車？但要遷就屋企人買七人車！豐田Wish正正針對一眾年輕爸爸愛飆車之心，新一代換上更爽快的VALVEMATIC引擎及七速波箱，再加入DynamicSport模式增強攻彎能力，成功打造一樣可以劈得的迷你MPV來搶客。

記者：許維雅　
攝影：王文忠

內外夾擊攻彎

現代父母日日夜夜為小皇帝奔波，揀家庭車時亦毋須難為自己。豐田Wish換上進氣閥開關更精進的VALVEMATIC引擎，令起步反應更爽快，1.8型號可輸出144匹馬力，動力表現明顯比Freed強勁，加上全新Sport模式設定加入CVT波箱及循迹控制系統，令入彎力量更澎湃、表現更穩定，以MPV選擇而言，確實較容易俘虜年輕爸爸的心。加上扁扁平平的車身設計，令外形更Sporty，低風阻及低重心的優勢當然令操控更滿Fun。但只得1,590毫米的扁車身，車廂空間感雖不及Freed，幸好達4,590毫米的較長車形亦得父母歡心，力撐後座比Freed適舒。

1.8引擎油費更低

若以小朋友出發，欠電趟門及欠中間通道的Wish似乎吃虧一點；不過論外形及內櫳鋪排，Wish無疑比Freed時尚有型，加上若願意花多些少，以二十四萬幾車價買豪華版，會有天窗、後泊鏡、皮椅及7吋輕觸式屏幕等配備，又比Freed豪華得多。選擇迷你MPV的另一大誘因係貪油費平，於ECO模式及七前速波箱協助下，Wish同樣符合EUROV取得環保稅優惠，1.8引擎排氣量比Freed大，油耗卻只需16.7km/L，比1.5L的Freed還要慳油。