阿仙奴中場法比加斯（左）上周四出席會員日操練，不過唔好以為轉會風波已經平息，周六作客葡萄牙賓菲加嘅友賽，領隊雲格（右）宣佈法比仔唔會隨隊，連季初嘅賽事都唔會預佢住，雲格就解釋法比仔因為狀態不足唔派佢上陣，仲好肉麻講：「我愛法比」。不過阿仙奴16號主場對烏甸尼斯嘅歐聯附，已有尹佩斯停賽，今次冇埋法比仔，難怪雲格高呼失眠！
