「喪屍隧道」03年落成，區議員衞煥南說，隧道主要方便車站關閉後供工人前往長沙灣魚類批發市場，「當年話起行人隧道梗係好啦，但點知幾乎零使用！」他說：「我喺區議會投訴過好多次（露宿者佔據問題），但各部門都冇辦法解決。」他曾建議將隧道封閉，要求港鐵全日開放南昌站C及D1出口，但港鐵無反應。衞又狠批警方打擊力度不足，間中拘捕道友藏毒，但「長掃長有」。
富昌邨居民協會總幹事梁文廣認為，困局難短期內杜絕，「區內道友分佈各處天橋底同行人隧道，清咗一度，佢哋就搬去第二度」。他指問題根源是露宿者居住問題，「露宿者冇固定地址，申請公屋時好困難」。
審計署07年曾炮轟運輸署多條行人天橋使用率低，造成浪費，其中欽州街一條天橋89年建成後，因地面設有斑馬線，令天橋使用率低，成為「道友天堂」，當局一度要「斬腳指避沙蟲」將天橋鎖上。《蘋果》記者