天王黎明嫂樂基兒（Gaile）前日出席時裝活動時自爆肥了11磅，身形脹爆孕味甚重。昨日黎明帶病出席灣仔的慈善活動時，表示生兒育女要看時間和緣份，就算太太有了BB也不會公佈，他更大發地球人理論，又金句地說：「講係冇用，做喇，let'sdoit！」
黎明、楊千嬅、內地男星黃曉明和鋼琴家郎朗，昨日下午出席灣仔會展舉行的聯合國兒童基金會慈善音樂會記者會，黎明表示扁桃腺發炎，已看了醫生，前晚澳門演唱《今夜妳會不會來》時也唱不到高音。
「唔會呃到人」
前日黎明太太樂基兒出席時裝活動時，自爆肥了11磅，身形脹爆兼孕味十足，但Gaile就表示明年才會考慮造人。昨日記者問黎明近日密密接工作，是否要儲定奶粉錢？他說：「唔關事，呢兩日工作都係慈善冇收錢。」Gaile透露明年才考慮造人，他說：「呢啲事大家好想知，睇時間同緣份，私隱我就唔鍾意提，如果我提就嚇親大家。」
問到是做好心理準備做爸爸？黎明就大發地球人的理論說：「我個人一出世，就準備做好地球人，做好手上工作，如果聽我講就會失望，有嘅遲早會喺度，唔會呃到人。」有好消息可會公佈？他說：「我唔會公佈，我公佈會嚇死你，我唔係咁嘅人，講冇用，做喇，let'sdoit！」
千嬅跑步熱暈
千嬅在台上與黎明零交流，她謂因黎明病了，早前上海工作也有一起吃飯。問千嬅可會與黎明交流生仔心得？她說：「我有好多工作喺身，陳善之講笑話介紹間隱蔽啲嘅診所畀我。今朝同老公跑步，因天氣太熱喺何生（何鴻燊）間屋前面暈一暈，之後俾老公鬧。」而前晚千嬅在理大表演時，在台上被醫生追問想生仔定生女，她說就連街上的阿嬸也問她。
此外，黃曉明此行會在港逗留三天，他透露前日七夕情人節與母親過，記者追問此行會否與女友Baby見面，他搖頭無奈說：「拜託，我汗也流出來了。」
採訪、攝影：盧妹、楊潔雯